Nëse dëshironi që me një kontroll të shpejtë ta kontrolloni shëndetin tuaj, mjafton t’i shikoni thonjtë në duar dhe këmbë.
Thonjtë e thyer
Nëse thonjtë shpejt ju thyhen apo ju pëlcasin, ndoshta keni mungesë të hekurit apo vitaminave B, transmeton Kosova Sot Online.
Thonjtë e tharë
Kjo formë e thonjve do të thotë probleme me gjëndrat tiroide, sidomos nëse keni lëkurë të thatë dhe nëse përnjëherë keni filluar të shtoni në peshë.
Njollat e verdha
Mund të jenë shenjë e infeksionit me kërpudha, sidomos nëse janë shfaqur në gishtat e këmbëve. Po ashtu, mund të jetë shenjë e psoriazës.
Thonjtë e verdhë
Ngjyra e verdhë në thonj mund të jetë shenjë e diabetit apo sëmundjeve të mushkërive.
Njollat e bardha
Njollat e bardha shkaktohen prej mungesës së zinkut. Nëse edhe pas përdorimit të këtij minerali njollat mbesin, atëherë ka të bëjë me lëndimin e thonjve.