Vitaminat dhe proteinat e shëndetshme që gjënden në avokado janë shumë të dobishme kur aplikohen dhe përdoren ashtu siç duhen. Mjafton t’a kombinoni me përbërësit e duhur, normalisht duke ju përshtatur dhe nevojave të cilat ka lëkura juaj që të ngelni super e kënaqur në fund të proçesit.
Përbërësit;
Gjysëm avokado
2 lugë mjaltë
Përgatitja;
Merrni avokadon priteni përgjyem dhe heqni farat. Me ndihmen e lugës kruani gjithë pjesën përbrenda imët dhe imët deri sa të krijohet një tip pureje me avokado. Hidheni purenë në një tas. Merrni mjaltin dhe vendoseni në mikrovalë për 2 minuta dhe pastaj hidheni tek tasi ku keni lënë avokadon. Përzieni mirë përbërësit dhe me masken e përftuar lyeni fytyren. Kjo maskë duhet të qëndrojë në fytyrë të pakten 30 minuta, prandaj ju këshillojmë të merrni dhe të lexoni librin tuaj të preferuar ose të shikoni programin tuaj të dashur televiziv.